ངན་པའི་ཆ་འདི་ འགྲུལ་འཕྲིན་གྱིས་བརྡ་འཕྲིན་སྐྱེལ་ལེན་འབད་བའི་སྐབས་ལུ་ བརྡ་རྟགས་སྐྱེལ་ལེན་ས་ཚིགས་ཀྱིས་བཟོ་བའི་རྡུལ་ཕྲན་འོད་རླབས་ལུ་བརྟེནམ་ཨིན། དེ་འབདཝ་ལས་འགྲུལ་འཕྲིན་དང་བརྡ་རྟགས་སྐྱེལ་ལེན་ས་ཚིགས་གཉིས་ཀྱི་བར་ན་གི་བརྡ་དོན་སྤྲོད་ལེན་གྱི་སྐད་རིགས་འདི་ རྡུལ་ཕྲན་འོད་རླབས་ཨིན། བརྡ་རྟགས་སྐྱེལ་ལེན་ས་ཚིགས་ཀྱིས་ རྡུལ་ཕྲན་འོད་རླབས་དེ་ ང་བཅས་ཀྱིས་ འགྲུལ་འཕྲིན་ལག་ལེན་འཐབ་པའི་སྐབས་རྐྱངམ་གཅིག་མིན་པར་ འགྲུལ་འཕྲིན་གྱིས་ ང་བཅས་ལུ་ཚུར་ལྷོད་པའི་འཕྲིན་ཐུང་དང་འགྲུལ་འཕྲིན་ལ་སོགས་པ་ དུས་ཚོད་ཁར་ལེན་ཚུགས་ནི་གི་དོན་ལུ་ རྒྱུན་ཆད་མེད་པར་ བཟོཝ་བཟོ་སར་སྡོད་དོ་ཡོདཔ་ཨིན། དེ་བསྒང་གི་རྡུལ་ཕྲན་འོད་རླབས་དེ་ལུ་ འགྲུལ་འཕྲིན་བཏང་པའི་སྐབས་ཀྱི་འོད་རླབས་བཟུམ་གྱི་ནུས་ཤུགས་མེད་དེ་ར་འབད་ས་ཅིག་རུང་ འཕྲོད་བསྟེན་ལུ་ཉེན་ཁ་མེདཔ་རྩ་ལས་ར་མེན།
འཕྲོད་བསྟེན་ ཚན་རིག་མཁས་པ་གིས་ཁུངས་སྐྱེལ་དོ་བཟུམ་འབད་བ་ཅིན་ ག་དེམ་ཅིག་སྦེ་ འགྲུལ་འཕྲིན་བྱང་ཁོག་གུ་བཞག་པ་ཅིན་ དེ་གིས་དོན་ཧིང་གི་འཕར་ཚད་ལུ་གནོད་དེ་ དོན་ཧིང་གི་ན་ཚ་ཐོབ་ནི་གི་ཉེན་ཁ་དང་ དེ་བཟུམ་སྦེ་ ཕོཝ་གུ་བཞག་པ་ཅིན་ མཁལ་རྡོག་གི་ན་ཚ་ཐོབ་ནི་ལ་སོགས་པ་ མདོར་བསྡུ་བ་ཅིན་ ང་བཅས་ཀྱི་གཟུགས་ཀྱི་དོན་ལྔ་ག་ཅི་ཨིན་ས་ཅིག་རུང་ དེ་ཚུ་གི་སྦོ་ལོགས་ཁར་ཡུན་རིངམ་སྦེ་ར་བཞག་པ་ཅིན་ དེ་ཚུ་ལུ་ན་ཚ་ཐོབ་ནི་གི་ཉེན་ཁ་སྦོམ་ཡོད་ལུགས་བཀོད་ནུག།
ལྷག་པར་དུ་ན་གཞོན་ཚུ་གིས་ སེམས་ཁར་བཞག་དགོཔ་ཅིག་འདི་ བུམོ་ལུ་ཆ་བཞག་པ་ཅིན་ འགྲུལ་འཕྲིན་ཨོམ་གུ་བཞག་མི་བཏུབ་ནི་དང་། གལ་སྲིད་དེ་སྦེ་བཞག་པ་ཅིན་ ཨོམ་ལུ་གན་ཌིའི་ན་ཚ་ཐོབ་ནི་གི་ཉེན་ཁ་ཡོདཔ་ཨིན་མས། དེ་བཟུམ་སྦེ་བུཚ་ལུ་ཆ་བཞག་པ་ཅིན་ ཕོ་མཚན་དང་ཐག་ཉེ་སར་བཞག་མི་བཏུབ་ནི་དང་ གལ་སྲིད་དེ་སྦེ་བཞག་པ་ཅིན་ ཁུ་བ་སྐམ་ནི་གི་ཉེན་ཁ་ཡོདཔ་མ་ཚད་ དེ་བ་ཡང་ལྷགཔ་སྦེ་ ཕོ་མཚན་བེད་སྤྱད་ར་མེདཔ་ཐལ་ནི་གི་ཉེན་ཁ་ཡོདཔ་ཨིན་མས།
སྤྱིར་བཏང་འཕྲོད་བསྟེན་ཁྱད་རིག་པ་ཆ་ཁྱབ་ཀྱིས་ འགྲུལ་འཕྲིན་གྱིས་ ཀླདཔ་གིས་གཙོས་པའི་གཟུགས་ཀྱི་ཆ་ཤས་ལུ་ཐོ་ཕོག་དོ་ཡོད་པའི་སྐོར་ལས་ སྙན་ཞུ་དང་སྦྲགས་ཏེ་ ལོ་ལས་ལོ་སྦེ་ཁྲིམས་གཏུགས་འབད་ས་ཅིག་རུང་ ད་རེས་ནངས་པའི་དུས་ལུ་ འཛམ་གླིང་འདི་ནང་ ཏི་རུ་གིས་འགྲུབ་མ་ཚུགས་པའི་ལཱ་ཅིག་ཧ་ལམ་མེད་ནི་འདི་གིས་དང་ དེ་གི་ནང་དོན་ཉིད་ལས་ཡང་ འགྲུལ་འཕྲིན་གྱི་བཟོ་གྲྭ་ཚུ་གནམ་མེད་ས་མེད་རྒྱུ་སྟོབས་ཆེ་ནི་འདི་གིས་ ད་རེས་ཚུན་ཚོད་ཀྱི་བར་ན་འདི་དང་འདི་ཨིན་ཟེར་བའི་གྲོས་ཆོད་ཅིག་ཐོན་མ་ཚུགས་པར་ཡོད།
ནུབ་ཕྱོགས་ལུ་ འགྲུལ་འཕྲིན་ལུ་བརྟེན་ཏེ་གིས་སྦེ་ ལག་ལེན་འཐབ་མི་གི་ཀླད་པ་ལུ་གནོད་སྐྱོན་ཕོག་མི་ལུ་བརྟེན་ཏེ་ འབྲེལ་ཡོད་བཟོ་གྲྭ་ཚོང་སྡེ་ཆ་ཁྱབ་ཀྱིས་ ཌོ་ལར་ས་ཡ་ལེ་ཤ་ཅིག་རྒུད་འཐུས་སྦེ་སྤྲོད་དགོཔ་བྱུང་བའི་གནས་ཚུལ་ཡང་འདུག། ཨིན་རུང་གཞུང་འབྲེལ་གྱི་ཐོག་ལས་གནས་ཚུལ་དེ་ཚུ་ཚད་འཛིན་ཡོདཔ་སྦེ་ངོས་འཛིན་མི་འབད་དོ་ཡོདཔ་མས།
ད་རུང་གཅིག་སླབ་པ་ཅིན་ ང་བཅས་ཆ་ཁྱབ་འཕྲུལ་རིག་གི་དུས་རབས་ནང་སྐྱེས་སྐྱེཝ་འབད་ནི་འདི་གིས་ འཕྲུལ་ཆ་འདི་ཚུ་སྤང་ཐབས་རྩ་ལས་ར་མེད། ཨིན་རུང་ང་བཅས་ར་ཆ་ཁྱབ་ལུ་ཆ་བཞག་པ་ཅིན་ རང་གི་གཟུགས་ཁམས་ལུ་གནོད་སྐྱོན་ཕོགཔ་ད་ ཌོ་ལར་ས་ཡ་ལེ་ཤ་ཐོབ་ནི་ཕར་ར་བཞག་ ཐ་ན་བཟོད་གསོལ་དང་སེམས་གསོ་འབད་མི་ཅིག་ཡང་མི་འོང་། དེ་བཟུམ་ཡོད་པའི་དབང་དུ་བཏང་རུང་ མི་ལུས་འདི་ག་ཅི་གིས་ཡང་ལོག་ཉོ་ཐབས་མེད། དེ་འབདཝ་ལས་ ཐབས་ཤེས་དྲག་ཤོས་ར་ འགྲུལ་འཕྲིན་འདི་ ལོགས་སུ་སྦེ་ཕད་ཅུང་ཅིག་ནང་བཙུགས་འབག་པ་ཅིན་ གོང་ལུ་བཀོད་པའི་ཉེན་ཁ་ཚུ་ལས་ཟུར་ཚུགས་ནི་མས་ཟེར་ཞུ་ནི་ཨིན།
༼འགྲུལ་འཕྲིན་དང་འབྲེལ་བའི་ཤེས་བྱ་འདི་ མེ་དམར་པོའི་ལམ་ཟེར་བའི་ཡོངས་འབྲེལ་ས་ཁོངས་ནང་བཀོད་དེ་འདུག། ཤེས་བྱ་དེ་ང་བཅས་རའི་འབྲུག་མི་འགྲུལ་འཕྲིན་ལག་ལེན་འཐབ་མི་ཆ་ཁྱབ་ཀྱིས་ཡང་ཤེས་དགོཔ་ཁག་ཆེཝ་མཐོངམ་ལས་ སྐད་བསྒྱུར་རྐྱབ་སྟེ་འདི་ནང་བཀོད་བཀོདཔ་ཨིན།༽
No comments:
Post a Comment