ཕྱི་གླིང་པའི་སྦལཔ་གིས་ཀི་དེབ་ལྷག་དོ་ཡོདཔ།

ཧེ་མ་ཕྱི་གླིང་པའི་གཡུས་ཁ་ལུ་ དཔེ་མཛོད་ཅིག་ནང་ དཔེ་གཉེར་ཅིག་ ཀི་དེབ་ལྷག་སྡོད་པའི་སྐབས་ལུ་ བྱ་པོད་ཅིག་འོངས་ཏེ་ བུག་བུག་ ཟེར་སླབ་སླབ་མས། དཔེ་གཉེར་གྱི་སེམས་ཁ་ལུ་ བྱ་པོད་དེ་གིས་ ཀི་དེབ་དགོ་ཟེར་སླབ་མས་མནོ་སྟེ་ ཀི་དེབ་ཅིག་འཐུ་སྦེ་ བྱ་པོད་ཀྱི་མགུ་ཏོ་གུ་བཀལ་བྱིན་བྱིན་མས། དེ་ལས་བྱ་པོད་དེ་ དཔེ་མཛོད་ནང་ལས་ཕྱི་ཁར་ཐོན་ཡ་སོ་ནུག།

ཨ་ཙི་ཅིག་ཁ་ལས་ བྱ་པོད་དེ་ལོག་འོངས་ཞིན་ན་ ད་རུང་བུག་བུག་ཟེར་སླབ་ནུག། དཔེ་གཉེར་གྱིས་ ད་རུང་ ཀི་དེབ་གཅིག་འཐུ་སྦེ་མགུ་ཏོ་གུ་བཀལ་བྱིན་ནུག། བྱ་པོད་དེ་ཧེ་མ་བཟུམ་སྦེ་ར་ ཀི་དེབ་འབག་སྦེ་ཕྱི་ཁར་ཐོན་ཡར་སོ་ནུག།

ཨ་ཙི་ཁ་ལས་ བྱ་པོད་དེ་ད་རུང་ལོག་འོངས་ཏེ་ ཧེ་མ་བཟུམ་སྦེ་ར་བུག་བུག་ཟེར་སླབ་ནུག། དེ་བསྒང་ལས་དཔེ་གཉེར་དབུགས་འགམ་སྟེ་ ཀི་དེབ་སྦོམ་གཉིས་འཐུ་ཞིན་ན་ མགུ་ཏོ་གུ་བཀལ་བྱིན་ནུག། དེ་ལས་ བྱ་པོད་སྒོ་ཁ་ལས་ཐོན་འགྱོཝ་ཅིག་ ཁོ་ར་ཡང་རྟིང་བདའ་བལྟ་བར་སོང་སོང་མས།

དེ་སྦེ་རྟིང་བདའ་བལྟ་བར་སོང་པ་གི་ བྱ་པོ་དེ་གིས་ ཀི་དེབ་འབག་སྦེ་ ཕྲངམ་ཕྲང་ས་ དཔེ་མཛོད་ཀྱི་ས་ཁོངས་ནང་ཆུ་རྫིང་ཅིག་ཡོད་ས་ལུ་འགྱོ་ས་མཐོང་ནུག། ཕི་ནང་ག་ཅི་ཡོད་ག་མ་མནོ་སྟེ་རྟིང་བདའ་ར་སོང་བལྟ་སོང་པ་ ཆུ་རྫིང་དེ་གི་མཐའ་མར་ སྦལཔ་ཅིག་སྡོད་ཡོདཔ་མཐོང་ནུག། དེ་ལས་འདི་དཔེ་གཉེར་དེ་ཧ་ལས་ཏེ་ ཁུ་སིམ་སིམ་སྦེ་གཡིབ་བལྟ་སྡོདཔ་ད་ བྱ་པོད་དེ་གིས་ ཕི་ནང་ལྷོདཔ་ཅིག་ ཀི་དེབ་དེ་སྦལཔ་གི་སྦོ་ལོགས་ཁར་བཞག་ནུག། དེ་ལས་སྦལཔ་དེ་གིས་ཀི་དེབ་ལུ་བལྟ་སྦེ་ read it, read it ཟེར་སླབ་ལས་ དཔེ་གཉེར་དེ་ཧེང་བཀལ་ར་ཧ་ལས་ཏེ་ དེ་ཁ་ར་དྲན་མེད་བརྒྱལ་སོ་ནུག