ད་རེས་ནངས་པར་མི་སྡེའི་བརྡ་བརྒྱུད་ངོ་དེབ་ནང་ལུ་
ག་ར་གཅིག་གིས་གཅིག་ལུ་ ཁྲུས་བབས་ཀྱི་ཁ་བཟང་འབད་དེ་གིས་སྦེ་
འུར་འབྱེལ་འཐབ་ས་མཐོངམ་ཨིན་མས། ཁ་བཟང་འབད་ཐངས་འདི་ཡང་ དབྱིན་སྐད་ཀྱི་ཐོག་ལས་ Happy Blessed Rainy Day ཟེར་བའི་ཡི་གུ་བྲིས་ཞིན་ན་
ངོ་དེབ་ནང་ལུ་ཡོད་པའི་རང་རང་སོ་སོའི་ཆ་རོགས་འཆམ་མཐུནམ་ཚུ་ལུ་
བསྐྱལ་ཏེ་གིས་སྦེ་འབད་ནི་འདུག། འགྱུར་བ་འགྱུར་བ་ཟེར་མི་འདི་ འ་ནི་བཟུམ་ཅིག་ཨིན་མས།
དང་ཕུ་འབད་བ་ཅིན་ ཁྲུས་བབས་དང་ལོ་གསར་ལ་སོགས་པའི་སྐབས་ལུ་ ད་རེས་བཟུམ་སྦེ་
བདུན་ཕྲག་གཅིག་དེ་ཅིག་གི་ཧེ་མ་ལས་ ཁ་བཟང་འབད་ནི་གི་གོ་སྐབས་ག་ཏེ་འོང་ནི། ཐ་ན་ག་ཏེ་ལུ་ཡོད་ག་དང་ག་དེ་སྦེ་ཡོད་ག་གི་ལོ་རྒྱུས་ཙམ་ཅིག་ཡང་མི་ཤེས་དོ་འོང་།
དེ་མ་ཚད་དེ་བཟུམ་གྱི་དུས་སྟོན་གྱི་སྐབས་ལུ་ ཕམ་དང་སྤུན་ཆ། གཉེན་དང་གྲོགས་ལ་སོགས་པ།
ལ་ལུ་ཚོང་ལུ་འགྱོ་ས་ལས་ལོག་མ་ལྷོད། ལ་ལུ་གནས་བསྐོར་འགྱོ་ས་ལས་ལོག་མ་ལྷོད།
ལ་ལུ་ཅིག་གོང་མའི་ཞབས་སར་ཕྱག་ཞུ་ས་ལས་མ་ལྷོད་པར།
གཅིག་གིས་གཅིག་ལུ་ལེགས་ཤོམ་སྦེ་ཡོདཔ་འོང་མནོ་བའི་རེ་བསྐྱེད་ཐོག་ལས་
ལྐོདམ་མདུད་ཕོད་བཏབ། མིག་ལས་མིག་ཆུ་ཐོན་སྦེ་
སྡོད་མི་ཡང་གྱངས་ཁ་མ་ཆོདཔ་ཅིག་སྡོད་སྡོདཔ་འོང་།
ཨིན་རུང་དང་ཕུ་གི་དུས་ལུ་ཐང་རིང་ས་སོང་སྟེ་གིས་སྦེ་ལོག་ལྷོད་མ་ཚུགས་ན་མ་ཤེས།
དེ་མིན་པ་ཅིན་ ཕམ་སྤུན་ཆ་གཉེན་དང་གྲོགས་ཚུ་འདི་ཕ་ར་བཞག།
ཐ་ན་ཁྱིམ་ཚང་གདང་རས་ཚུ་ཡང་ག་ར་ཁྱིམ་གཅིག་ནང་མཉམ་གཅིག་འཛོམས་ཏེ་གིས་སྦེ་ བཞེས་གོ་ཟ།
ཇ་དང་ཆང་འཐུང་འབད་ཞིནམ་ལས་རྒན་རྒས་ཆ་ཁྱབ་བཤད་ཐོ་བཏང་།
བུ་ཚུ་གཞོནམ་ཆ་ཁྱབ་ཀྱིས་མདའ་དང་རྡོས་སྒོར་རྩེ།
བུམོ་ཚུ་ཞབས་ཁྲ་རྐྱབ་སྦེ་དགའ་སྤྲོ་བསྒྱུར་ཏེ་སྡོདཔ་ཨིན་མས།
ད་རེས་ནངས་པར་འབད་བའི་བསྒང་ལས་ ཐག་ཉེ་རིང་ག་ར་ལུ་དབྱེ་བ་མེད་པར་ཅོག་འཐདཔ་སྦེ་
ཁ་བཟང་འདི་རང་འབད་བཞགཔ་མ་གཏོགས་ མཉམ་ཅིག་འཛོམས་ཏེ་དགའ་སྤྲོ་བསྒྱུར་ནི་འདི་དཀོན་སུ་ཅིག་ལུ་གྱུར་སོ་ནུག།
ཁ་བཟང་འབད་ཐངས་ཀྱི་ཐད་ལས་འབད་དེ་འབད་ས་ཅིག་རུང་ དང་ཕུ་གི་ལུགས་སྲོལ་ལས་འགྱུར་བ་ཡར་སོ་ནུག། དེ་ཡང་དཔྱེ་འབད་བ་ཅིན་ ད་རེས་ཁྲུས་བབས་ཀྱི་སྐབས་ལུ་ ང་ལོག་ལྷོད་མ་ཚུགས་པའི་ས་ཁར་འགྱོ་དགོཔ་ཐོན་པ་ཅིན་ ང་གིས་ང་རའི་བཟའ་ཚང་ཆ་ཁྱབ་ལུ་ ཁྱེད་ཆ་ཁྱབ་ཁྲུས་བབས་ལེགས་ཤོམ་སྦེ་ཟ་སྨ་རེད་ཟེར་སླབ་སྦེ་འགྱོཝ་ཨིན། དེ་བཟུམ་སྦེ་ཁྱིམ་ཚང་ཆ་ཁྱབ་ལུ་ཡང་ དེ་སྦེ་སླབ་ཨིན། དེ་འབདཝ་ལས་ ང་བཅས་རའི་འབྲུག་པའི་ལུགས་སྲོལ་གྱི་ཐོག་ལས་ཁྲུས་བབས་ཀྱི་ཉིནམ་དང་ལོ་གསར་ལུ་ཁ་བཟང་འབད་དགོ་པ་ཅིན་ ཁྲུས་བབས་ལེགས་ཤོམ་སྦེ་ཟ་སྨ་རེད། ལོ་གསར་ལེགས་ཤོམ་སྦེ་ཟ་སྨ་རེད་ཟེར་འབད་དགོཔ་ཨིན་རུང་ ད་རེས་ནངས་པར་ གོང་ལུ་བཀོད་དོ་བཟུམ་སྦེ་དབྱིན་སྐད་ཀྱི་ཐོག་ལས་ཧེ་པི་ལོ་གསར། ཧེ་པི་བཱེལེསི་རེ་ནི་ཌེ་ཟེར་སླབ་ཨིན་མས། ད་རུང་ལ་ལུ་ཅིག་གིས་ལོ་གསར་ལུ་བཀྲ་ཤིས་བདེ་ལེགས། ཁྲུས་བབས་ལུ་བཀྲ་ཤིས་བདེ་ལེགས་ཟེར་སླབ་ནི་གི་ལུགས་སྲོལ་ཅིག་ཡང་འགོ་བཙུགས་ནུག། འ་ནེ་སྦེ་འབདཝ་ད་ལུ་ ང་བཅས་རའི་ལུགས་སྲོལ་དེ་ ཤེསཔ་དཔྱ་གཅིག་དང་ མ་ཤེསཔ་དཔྱ་གཉིས་སྦེ་ གནམ་བྱར་གྱི་གཞའ་ཡལ་འདེ་ཡལ་འགྱོཝ་ཨིན་མས། ད་ག་ལས་བསྐོར་རུང་ ཧེ་པི་དང་བཀྲ་ཤིས་ཀྱི་ལོ་རྒྱུས་དེ་ དེམ་ཅིག་སྦེ་བཞག་ཞིན་ན་ ཁྲུས་བབས་ཟེར་མི་འདི་ག་ཅི་ཨིན་ན་དང་། ག་ཏེ་ལས་བྱུང་བྱུངམ་ཨིན་ན། ནམ་ལས་བྱུང་བྱུངམ་ཨིན་ན་ཚུ་གི་སྐོར་ལས་ཞུ་གེ།
རྩིསཔ་ཚུ་གིས་སླབ་དོ་བཟུམ་འབད་བ་ཅིན་ ཁྲུས་བབས་ཟེར་མི་འདི་ བོད་བརྒྱུད་ནང་པའི་རྩིས་གཞུང་ནང་ལས་ཐོནམ་ཨིན་ཟེར་སླབ་ཨིན་མས། ཨིན་རུང་ ནང་པའི་རྩིས་གཞུང་འགོ་ཐོག་བྱུང་སའི་རྒྱལ་ཁབ་ རྒྱ་ནག་དང་རྒྱ་གར་ལུ་ནི་ ཁྲུས་བབས་ཀྱི་ཉིནམ་བརྩི་སྲུང་འབད་སྲོལ་ཡོད་པའི་ལོ་རྒྱུས་མིན་འདུག། བོད་ལུ་འབདན་ ད་རེས་ནངས་པར་བརྩི་སྲོལ་ཡོད་པའི་ལོ་རྒྱུས་མེད་རུང་ དང་ཕུ་འབད་བ་ཅིན་ ཟླཝ་བརྒྱད་པའི་ཚེས་གཅིག་ལས་ར་ བརྩི་སྲོལ་ཡོད་པའི་ལོ་རྒྱུས་འདུག། དེ་ཡང་འགོ་དང་པ་ར་ ཏཱ་ལའི་བླ་མ་སྐུ་ཁྲུས་གནང་དོ་ཡོདཔ་ད་ དེ་གི་མཛད་སྒོའི་མཚན་ལུ་ ཏཱ་ལའི་བླ་མའི་ཆབ་ཞུགས་མཛད་སྒོ་ཟེར་སླབ་དོ་ཡོདཔ་མས། དེ་བསྒང་རྩེ་པོ་ཏ་ལའི་ཕོ་བྲང་ནང་ལུ་སྦེ་ དེ་ཁར་ཡོད་པའི་སྐྱ་སེར་ཆེ་ཕྲ་ཀུན་ལུ་ ཏཱ་ལའི་བླ་མ་གིས་ཉིནམ་༡༥ འི་རིང་ མཛར་ཅུམ་གནང་སྲོལ་ཡོདཔ་ཨིན་མས། དེ་ལས་གྲོལ་བའི་ཉིན་མར་ རྩེ་པོ་ཏ་ལའི་ཕོ་བྲང་ཐོག་ཁར་ བསངས་བཏང་ཞིན་ན་ ཕྱྭ་དང་ཧུ་རྐྱབ་དོ་ཡོདཔ་ཨིན་མས། དེ་ལས་རྐྱངམ་ཅིག་མི་གཞན་ཚུ་ཁྲུས་རྐྱབ་དོ་ཡོདཔ་ཨིན་མས། དེ་བསྒང་ལུ་ མི་སེར་ཚུ་གིས་ཡང་ རང་རང་སོ་སོའི་འབྱོར་པ་དང་བསྟུན་ཏེ་ གུར་སྤུབས་ཏེ་ མཛར་ཅུམ་ཟཝ་དང་འབྲེལ་ཏེ་ ཆུ་རྩལ་རྐྱབ་ནི་ལ་སོགས་པའི་རྩལ་འགྲན་འབད་དོ་ཡོད་རུང་ གཙོ་ཆེ་ཤོས་གཟུགས་དང་གོ་ལ་ལ་སོགས་པ་འཁྱུ་ནི་ལུ་ར་ཤུགས་རྐྱབ་དོ་ཡོདཔ་ཨིན་མས།
ཁྲུས་བབས་བརྩི་སྲུང་འབད་ནི་དེ་བོད་ལུ་ཡོད་པ་ཅིན་ འབྲུག་ལུ་ཡང་བོད་ལས་ར་བརྒྱུད་དེ་བྱུང་བྱུངམ་འོང་། དེ་འབདཝ་ལས་ནམ་ལས་ག་དེ་སྦེ་བྱུང་བྱུངམ་ཨིན་ན་སྨོ། ཁྱེད་ཧེ་པི་དང་བཀྲས་ཤིས་ཚུ་གིས་ དེ་གི་སྐོར་ལས་སླབ་ནི་ཡོད་ག། ཧ་ཧ་
ང་གིས་གོ་དོ་བཟུམ་འབདན་ འབྲུག་ལུ་ཁྲུས་བབས་ཀྱི་ཉིནམ་བརྩི་སྲུང་འབད་སྲོལ་འདི་ ཞབས་དྲུང་རིན་པོ་ཆེ་གིས་འགོ་བཙུགས་གནང་གནངམ་ཨིན་ཟེར་གོ་ཡི། ལོ་རྒྱུས་དེ་དང་འཁྲིལ་བ་ཅིན་ ཧེ་མ་ཞབས་དྲུང་ཞལ་བཞུགས་པའི་སྐབས་ལུ་ ཁྲུས་བབས་ཀྱི་སྐབས་ སྤུངས་ཐང་རྫོང་ནང་བཞུགས་མི་སྐྱ་སེར་ཆེ་ཕྲ་ཆ་མཉམ་ དྲོ་པ་ཧ་སག་སྟེ་བཞེངས་ཞིན་ན་ བཞེས་ཐུག་བཞེས་སྦེ་ སེར་སྦྲེང་དང་བཅས་པའི་སྒོ་ལས་ སྐུ་ཁྲུས་གནང་པར་ཕེབས་དགོ་ཟེར་ཨིན་མས། ད་རེས་ནངས་པར་ལོ་གསར་གྱི་སྐབས་ལུ་དང་ ལོ་ཆོག་བཏང་པའི་སྐབས་ དྲོ་པ་དྲོ་མཛར་གྱི་ཧེ་མ་ ཐུགཔ་འཐུང་ནི་གི་ལུགས་སྲོལ་ཡོད་མི་འདི་ཡང་ ཁྲུས་བབས་ཀྱི་ཉིནམ་ལས་སྦེ་ དར་ཁྱབ་འགྱོ་འགྱོཝ་ཨིན་པའི་ལོ་རྒྱུས་འདུག། ད་རེས་ནངས་པར་ སྤུངས་ཐང་རྫོང་ནང་ལུ་ མ་ཆེན་གྱི་སྐུ་མདུན་ དེ་མ་སྔན་མ་བཞེས་ཐུག་ཕུལ་ནི་མེད་རུང་ ཁྲུས་བབས་ཀྱི་སྐབས་ བཞེས་ཐུག་བཅད་ཕུལ་སྲོལ་ཡོད་མི་འདི་ཡང་ སྔོན་མ་ཁྲུས་བབས་ཀྱི་སྐབས་ལུ་མ་གཏོགས་ བཞེས་ཐུག་བཞེས་སྲོལ་མེད་ནི་འདི་གིས་ཨིན་ཟེར་ཨིན་མས། དེ་འབདཝ་ད་དེ་བདེན་ག་མི་བདེན་ ང་རང་སྤུངས་ཐང་རྫོང་ནང་སྡོད་སྡོདཔ་མེད་ནི་འདི་གིས་མི་ཤེས་པས། ག་གིས་ར་འབད་རུང་ བདེན་རྫུན་དབྱེ་བ་དཔྱད་ནི་གི་བློ་འདོད་པ་ཅིན་ སྤུངས་ཐང་རྫོང་ནང་བཞུགས་མི་འཕགས་པའི་དགེ་འདུན་ཚུ་ལུ་དྲི་བ་ཞུ་གནང་།
ད་ཁྲུས་བབས་ཟེར་མི་འདི་ག་ཅི་སྨོ། དེ་ཡང་ཁྱེད་ཧེ་པི་དང་བཀྲ་ཤིས་ཆ་ཁྱབ་ཀྱིས་སླབ་ནི་མེདཔ་འོང་། ཁྲུས་བབས་ཟེར་བའི་ཚིག་གི་གོ་དོན་མནོ་བསམ་བཏང་པ་ཅིན། ཁྲུས་ཟེར་མི་འདི་ཆུ་འཁྱུ་ནི་ལུ་གོ་ནི་དང་། བབས་ཟེར་མི་འདི་བུད་ནི་དང་ཐོན་ནི་ཅིག་ལུ་གོཝ་ཨིན། ང་བཅས་རའི་རྫོང་ཁའི་ནང་ལས་ བུམ་པའི་ནང་གི་བུམ་ཆུ་ལུ་ཡང་ ཁྲུས་ཆུ་ཟེར་སླབ་ནི་ཡོད། དེ་འབད་ཞིནམ་ལས་ མི་མང་ཤོས་ཅིག་གིས་ར་ ཁྲུས་བབས་ཟེར་བའི་བསྒང་ལས་ བུམ་པའི་ནང་གི་ཆུ་བཟུམ་ཅིག་ གནམ་ཁ་ལས་མར་ས་ཁར་བབས་དོ་འདྲ་བས་མནོ་བའི་མནོ་བསམ་གཏང་དོ་ཡོདཔ་མས། ཧེ་མ་སློབ་གྲྭའི་སློབ་དེབ་ཅིག་ནང་ལུ་ཡང་ ཁྲུས་བབས་ཀྱི་སྐོར་ལས་བྲིས་ཏེ་ཡོད་པའི་ཡིག་རྒྱུགས་ཀྱི་ནང་ལུ་ ས་སྨུག་གི་སྦུག་ལས་ལྷ་དང་ལྷ་མོ་ཚུ་གིས་བུམ་ཆུ་བླུགས་སྡོད་སྡོདཔ་གི་པར་བྲིས་བྲིསཝ་མཐོང་ཅི། ད་རེས་ནངས་པར་ངོ་དེབ་ནང་ལུ་ཡང་ ལ་ལུ་གིས་ ཁྲུས་བབས་ཀྱི་ཁ་བཟང་འབད་ནི་གི་དོན་ལུ་བཟོ་བཀོད་འབད་དེ་ཡོད་པའི་པར་རིས་ཚུ་ དེ་སྦེ་བཟོ་ནུག། དེ་སྦེ་གོ་བ་ལེན་པ་ཅིན་ གོ་བ་འདི་ཕྱི་འགྱུར་ཨིན།
ཁྲུས་བབས་བརྩི་སྲོལ་འདི་ནང་པའི་རྩིས་གཞུང་ལས་བྱུང་བྱུངམ་ཨིནམ་ལས་ ཁྲུས་བབས་ཀྱི་གོ་དོན་འདི་ཡང་ རྩིས་གཞུང་ལྟར་དུ་ཆ་བཞག་དགོ། ནང་པའི་རྩིས་གཞུང་ལས་ག་དེ་སྦེ་གསུངས་ཏེ་ཡོད་གོ་ཟེར་བ་ཅིན་ གནམ་ཁ་ལུ་ སྐར་མ་དྲང་སྲོང་རི་ཥི་ཟེར་མི་ཅིག་ཡོདཔ་ཨིན་མས། སྐར་མ་རི་ཥི་འདི་རྒྱུ་རྡོ་རྗེ་ཕ་ལམ་ལས་གྲུབ་གྲུབ་ཨིན་ཟེར་སླབ་ཨིནམ་ད་ ཟླཝ་དྲུག་གནམ་ནུབ་མོ་དང་ ཟླཝ་དྲུག་གནམ་ཉིན་མར་ཤརཝ་ཨིན་ཟེར་སླབ་ཨིན་མས། དེ་བཟུམ་སྦེ་མཐའ་ཡས་རྒྱ་མཚོ་ནང་ལུ་ ལྷ་དང་ཀླུ་དང་གནོད་སྦྱིན་ཚུ་གིས་རྒྱུ་རིན་ཆེན་སྣ་བདུན་ལས་བཞེངས་བཞག་བཞག་པའི་སངས་རྒྱས་རྣམ་པར་སྣང་མཛད་ཀྱི་སྐུ་འདྲ་ཅིག་ཡོད་ཟེར་ཨིནམ་ད། སངས་རྒྱས་ཀྱི་དབུའི་གཙུག་གཏོར་ཡང་ རྒྱུ་རྡོ་རྗེ་ཕ་ལམ་ལས་གྲུབ་སྟེ་ཡོད་ཟེར་ཨིན་མས། སྐར་མ་རི་ཥི་དེ་གིས་རི་ཡི་རྒྱལ་པོ་རི་རབ་བསྐོར་ཏེ་འོངམ་ད་ ཟླཝ་བརྒྱད་པའི་དབུགས་ནམ་ཐོབ་ཅིག་ འ་ནི་གི་དུས་ཚོད་ཀྲིག་ཀྲིག་གུ་ རྒྱ་མཚོ་ནང་ཡོད་པའི་སངས་རྒྱས་ཀྱི་དབུའི་གཙུག་གཏོར་གྱི་ཐད་ཕྲང་སྟེ་ལྷོདཔ་ཨིནམ་སྦེ་བཤདཔ་ཨིན་མས།
དེ་བསྒང་ སྐར་མ་འདི་ཡང་རྒྱུ་རྡོ་རྗེ་ཕ་ལམ་ལས་གྲུབ་གྲུབ་དང་། སངས་རྒྱས་ཀྱི་དབུའི་གཙུག་གཏོར་ཡང་རྒྱུ་རྡོ་རྗེ་ཕ་ལམ་ལས་གྲུབ་གྲུབ་འབད་ནི་འདི་གིས་ སྐར་མ་རྀ་ཥི་དང་སངས་རྒྱས་ཀྱི་དབུའི་གཙུག་གཏོར་གཉིས་ཆ་ར་ལས་འོད་ཟེར་འཕྲོས་ཏེ་ འཛམ་གླིང་ནང་གི་ཆུ་ཆེན་དང་ཆུ་ཕྲན་ཡོད་རིགས་ཡོད་ཚད་ ཡན་ལག་བརྒྱད་ལྡན་གྱི་ཆུ་ལུ་འགྱུརཝ་ཨིན་མས། དེ་སྦེ་འབད་ནི་འདི་གིས་ འདི་བསྒང་ ཆུ་འཁྱུབ་ཅིན་ནད་རིགས་བཞི་བརྒྱ་རྩ་བཞི་ལས་བྱུང་བའི་ན་ཚ་ག་ར་དྲག་ཚུགསཔ་སྦེ་བཤདཔ་ཨིན་མས། དེ་ཡང་སྡེ་སྲིད་སངས་རྒྱས་རྒྱ་མཚོ་གིས་ རི་བྱི་ཤར་བས་དུག་མེད་པ། །ཉིན་མཚན་གཉིས་ཀ་སྦྱངས་ཆུ་བཏུང་། །དྭངས་བ་དྲི་མེད་ཆུ་ཞེས་པ། །དྲི་མེད་དྲི་མ་སེལ་གྱུར་པ། །མི་འགྲུབ་རྩུབ་པ་མ་ཡིན་པ། ༎བཏུང་བ་ལ་སོགས་བདུད་རྩིར་མཚུངས། །ཟེར་གསུངས་བཞག་ནུག། ཆུ་བོ་ཡན་ལག་བརྒྱད་ལྡན་ཟེར་མི་འདི་ག་ཅི་ཨིན་ན་མནོ་བ་ཅིན། “བསིལ་དང་ཞིམ་དང་ཡང་བ་དང་། འཇམ་དང་དྭངས་དང་དྲི་ང་མེད། འཐུང་ན་མགྲིན་པ་ལྟོ་བ་ལ། །མི་གནོད་ཡན་ལག་བརྒྱད་ལྡན་ཆུ། །”ཟེར་གསུངས་དོ་ཡོད་དོ་བཟུམ་ཨིན་མས། མདོར་བསྡུ་བ་ཅིན་ སྐར་མ་རི་ཥི་དེ་ཤར་ཞིནམ་ལས་ ཆུ་ནང་ཡོད་པའི་དུག་ག་ར་ཡལ་ཏེ་གིས་སྦེ་ ཆུ་ལུ་བརྟེན་པའི་ནད་གཞི་མི་ཐོབ་མ་ཚད། ཆུ་དེ་གིས་ནད་གཞི་གཞན་དང་གཞན་ཡང་དྲག་ཚུགསཔ་སྦེ་བཤདཔ་ཨིན་མས། དེ་འབད་ཞིནམ་ལས་འཇིག་རྟེན་པའི་ཁ་རྒྱུན་ལུ་ཡང་ སྐར་མ་རི་བྱི་ཤར་སོང་། །སྨན་པའི་དགོས་པ་མི་འདུག །ཟེར་བའི་སླབ་སྲོལ་བྱུང་ནུག།
ཁ་བཟང་འབད་ཐངས་ཀྱི་ཐད་ལས་འབད་དེ་འབད་ས་ཅིག་རུང་ དང་ཕུ་གི་ལུགས་སྲོལ་ལས་འགྱུར་བ་ཡར་སོ་ནུག། དེ་ཡང་དཔྱེ་འབད་བ་ཅིན་ ད་རེས་ཁྲུས་བབས་ཀྱི་སྐབས་ལུ་ ང་ལོག་ལྷོད་མ་ཚུགས་པའི་ས་ཁར་འགྱོ་དགོཔ་ཐོན་པ་ཅིན་ ང་གིས་ང་རའི་བཟའ་ཚང་ཆ་ཁྱབ་ལུ་ ཁྱེད་ཆ་ཁྱབ་ཁྲུས་བབས་ལེགས་ཤོམ་སྦེ་ཟ་སྨ་རེད་ཟེར་སླབ་སྦེ་འགྱོཝ་ཨིན། དེ་བཟུམ་སྦེ་ཁྱིམ་ཚང་ཆ་ཁྱབ་ལུ་ཡང་ དེ་སྦེ་སླབ་ཨིན། དེ་འབདཝ་ལས་ ང་བཅས་རའི་འབྲུག་པའི་ལུགས་སྲོལ་གྱི་ཐོག་ལས་ཁྲུས་བབས་ཀྱི་ཉིནམ་དང་ལོ་གསར་ལུ་ཁ་བཟང་འབད་དགོ་པ་ཅིན་ ཁྲུས་བབས་ལེགས་ཤོམ་སྦེ་ཟ་སྨ་རེད། ལོ་གསར་ལེགས་ཤོམ་སྦེ་ཟ་སྨ་རེད་ཟེར་འབད་དགོཔ་ཨིན་རུང་ ད་རེས་ནངས་པར་ གོང་ལུ་བཀོད་དོ་བཟུམ་སྦེ་དབྱིན་སྐད་ཀྱི་ཐོག་ལས་ཧེ་པི་ལོ་གསར། ཧེ་པི་བཱེལེསི་རེ་ནི་ཌེ་ཟེར་སླབ་ཨིན་མས། ད་རུང་ལ་ལུ་ཅིག་གིས་ལོ་གསར་ལུ་བཀྲ་ཤིས་བདེ་ལེགས། ཁྲུས་བབས་ལུ་བཀྲ་ཤིས་བདེ་ལེགས་ཟེར་སླབ་ནི་གི་ལུགས་སྲོལ་ཅིག་ཡང་འགོ་བཙུགས་ནུག། འ་ནེ་སྦེ་འབདཝ་ད་ལུ་ ང་བཅས་རའི་ལུགས་སྲོལ་དེ་ ཤེསཔ་དཔྱ་གཅིག་དང་ མ་ཤེསཔ་དཔྱ་གཉིས་སྦེ་ གནམ་བྱར་གྱི་གཞའ་ཡལ་འདེ་ཡལ་འགྱོཝ་ཨིན་མས། ད་ག་ལས་བསྐོར་རུང་ ཧེ་པི་དང་བཀྲ་ཤིས་ཀྱི་ལོ་རྒྱུས་དེ་ དེམ་ཅིག་སྦེ་བཞག་ཞིན་ན་ ཁྲུས་བབས་ཟེར་མི་འདི་ག་ཅི་ཨིན་ན་དང་། ག་ཏེ་ལས་བྱུང་བྱུངམ་ཨིན་ན། ནམ་ལས་བྱུང་བྱུངམ་ཨིན་ན་ཚུ་གི་སྐོར་ལས་ཞུ་གེ།
རྩིསཔ་ཚུ་གིས་སླབ་དོ་བཟུམ་འབད་བ་ཅིན་ ཁྲུས་བབས་ཟེར་མི་འདི་ བོད་བརྒྱུད་ནང་པའི་རྩིས་གཞུང་ནང་ལས་ཐོནམ་ཨིན་ཟེར་སླབ་ཨིན་མས། ཨིན་རུང་ ནང་པའི་རྩིས་གཞུང་འགོ་ཐོག་བྱུང་སའི་རྒྱལ་ཁབ་ རྒྱ་ནག་དང་རྒྱ་གར་ལུ་ནི་ ཁྲུས་བབས་ཀྱི་ཉིནམ་བརྩི་སྲུང་འབད་སྲོལ་ཡོད་པའི་ལོ་རྒྱུས་མིན་འདུག། བོད་ལུ་འབདན་ ད་རེས་ནངས་པར་བརྩི་སྲོལ་ཡོད་པའི་ལོ་རྒྱུས་མེད་རུང་ དང་ཕུ་འབད་བ་ཅིན་ ཟླཝ་བརྒྱད་པའི་ཚེས་གཅིག་ལས་ར་ བརྩི་སྲོལ་ཡོད་པའི་ལོ་རྒྱུས་འདུག། དེ་ཡང་འགོ་དང་པ་ར་ ཏཱ་ལའི་བླ་མ་སྐུ་ཁྲུས་གནང་དོ་ཡོདཔ་ད་ དེ་གི་མཛད་སྒོའི་མཚན་ལུ་ ཏཱ་ལའི་བླ་མའི་ཆབ་ཞུགས་མཛད་སྒོ་ཟེར་སླབ་དོ་ཡོདཔ་མས། དེ་བསྒང་རྩེ་པོ་ཏ་ལའི་ཕོ་བྲང་ནང་ལུ་སྦེ་ དེ་ཁར་ཡོད་པའི་སྐྱ་སེར་ཆེ་ཕྲ་ཀུན་ལུ་ ཏཱ་ལའི་བླ་མ་གིས་ཉིནམ་༡༥ འི་རིང་ མཛར་ཅུམ་གནང་སྲོལ་ཡོདཔ་ཨིན་མས། དེ་ལས་གྲོལ་བའི་ཉིན་མར་ རྩེ་པོ་ཏ་ལའི་ཕོ་བྲང་ཐོག་ཁར་ བསངས་བཏང་ཞིན་ན་ ཕྱྭ་དང་ཧུ་རྐྱབ་དོ་ཡོདཔ་ཨིན་མས། དེ་ལས་རྐྱངམ་ཅིག་མི་གཞན་ཚུ་ཁྲུས་རྐྱབ་དོ་ཡོདཔ་ཨིན་མས། དེ་བསྒང་ལུ་ མི་སེར་ཚུ་གིས་ཡང་ རང་རང་སོ་སོའི་འབྱོར་པ་དང་བསྟུན་ཏེ་ གུར་སྤུབས་ཏེ་ མཛར་ཅུམ་ཟཝ་དང་འབྲེལ་ཏེ་ ཆུ་རྩལ་རྐྱབ་ནི་ལ་སོགས་པའི་རྩལ་འགྲན་འབད་དོ་ཡོད་རུང་ གཙོ་ཆེ་ཤོས་གཟུགས་དང་གོ་ལ་ལ་སོགས་པ་འཁྱུ་ནི་ལུ་ར་ཤུགས་རྐྱབ་དོ་ཡོདཔ་ཨིན་མས།
ཁྲུས་བབས་བརྩི་སྲུང་འབད་ནི་དེ་བོད་ལུ་ཡོད་པ་ཅིན་ འབྲུག་ལུ་ཡང་བོད་ལས་ར་བརྒྱུད་དེ་བྱུང་བྱུངམ་འོང་། དེ་འབདཝ་ལས་ནམ་ལས་ག་དེ་སྦེ་བྱུང་བྱུངམ་ཨིན་ན་སྨོ། ཁྱེད་ཧེ་པི་དང་བཀྲས་ཤིས་ཚུ་གིས་ དེ་གི་སྐོར་ལས་སླབ་ནི་ཡོད་ག། ཧ་ཧ་
ང་གིས་གོ་དོ་བཟུམ་འབདན་ འབྲུག་ལུ་ཁྲུས་བབས་ཀྱི་ཉིནམ་བརྩི་སྲུང་འབད་སྲོལ་འདི་ ཞབས་དྲུང་རིན་པོ་ཆེ་གིས་འགོ་བཙུགས་གནང་གནངམ་ཨིན་ཟེར་གོ་ཡི། ལོ་རྒྱུས་དེ་དང་འཁྲིལ་བ་ཅིན་ ཧེ་མ་ཞབས་དྲུང་ཞལ་བཞུགས་པའི་སྐབས་ལུ་ ཁྲུས་བབས་ཀྱི་སྐབས་ སྤུངས་ཐང་རྫོང་ནང་བཞུགས་མི་སྐྱ་སེར་ཆེ་ཕྲ་ཆ་མཉམ་ དྲོ་པ་ཧ་སག་སྟེ་བཞེངས་ཞིན་ན་ བཞེས་ཐུག་བཞེས་སྦེ་ སེར་སྦྲེང་དང་བཅས་པའི་སྒོ་ལས་ སྐུ་ཁྲུས་གནང་པར་ཕེབས་དགོ་ཟེར་ཨིན་མས། ད་རེས་ནངས་པར་ལོ་གསར་གྱི་སྐབས་ལུ་དང་ ལོ་ཆོག་བཏང་པའི་སྐབས་ དྲོ་པ་དྲོ་མཛར་གྱི་ཧེ་མ་ ཐུགཔ་འཐུང་ནི་གི་ལུགས་སྲོལ་ཡོད་མི་འདི་ཡང་ ཁྲུས་བབས་ཀྱི་ཉིནམ་ལས་སྦེ་ དར་ཁྱབ་འགྱོ་འགྱོཝ་ཨིན་པའི་ལོ་རྒྱུས་འདུག། ད་རེས་ནངས་པར་ སྤུངས་ཐང་རྫོང་ནང་ལུ་ མ་ཆེན་གྱི་སྐུ་མདུན་ དེ་མ་སྔན་མ་བཞེས་ཐུག་ཕུལ་ནི་མེད་རུང་ ཁྲུས་བབས་ཀྱི་སྐབས་ བཞེས་ཐུག་བཅད་ཕུལ་སྲོལ་ཡོད་མི་འདི་ཡང་ སྔོན་མ་ཁྲུས་བབས་ཀྱི་སྐབས་ལུ་མ་གཏོགས་ བཞེས་ཐུག་བཞེས་སྲོལ་མེད་ནི་འདི་གིས་ཨིན་ཟེར་ཨིན་མས། དེ་འབདཝ་ད་དེ་བདེན་ག་མི་བདེན་ ང་རང་སྤུངས་ཐང་རྫོང་ནང་སྡོད་སྡོདཔ་མེད་ནི་འདི་གིས་མི་ཤེས་པས། ག་གིས་ར་འབད་རུང་ བདེན་རྫུན་དབྱེ་བ་དཔྱད་ནི་གི་བློ་འདོད་པ་ཅིན་ སྤུངས་ཐང་རྫོང་ནང་བཞུགས་མི་འཕགས་པའི་དགེ་འདུན་ཚུ་ལུ་དྲི་བ་ཞུ་གནང་།
ད་ཁྲུས་བབས་ཟེར་མི་འདི་ག་ཅི་སྨོ། དེ་ཡང་ཁྱེད་ཧེ་པི་དང་བཀྲ་ཤིས་ཆ་ཁྱབ་ཀྱིས་སླབ་ནི་མེདཔ་འོང་། ཁྲུས་བབས་ཟེར་བའི་ཚིག་གི་གོ་དོན་མནོ་བསམ་བཏང་པ་ཅིན། ཁྲུས་ཟེར་མི་འདི་ཆུ་འཁྱུ་ནི་ལུ་གོ་ནི་དང་། བབས་ཟེར་མི་འདི་བུད་ནི་དང་ཐོན་ནི་ཅིག་ལུ་གོཝ་ཨིན། ང་བཅས་རའི་རྫོང་ཁའི་ནང་ལས་ བུམ་པའི་ནང་གི་བུམ་ཆུ་ལུ་ཡང་ ཁྲུས་ཆུ་ཟེར་སླབ་ནི་ཡོད། དེ་འབད་ཞིནམ་ལས་ མི་མང་ཤོས་ཅིག་གིས་ར་ ཁྲུས་བབས་ཟེར་བའི་བསྒང་ལས་ བུམ་པའི་ནང་གི་ཆུ་བཟུམ་ཅིག་ གནམ་ཁ་ལས་མར་ས་ཁར་བབས་དོ་འདྲ་བས་མནོ་བའི་མནོ་བསམ་གཏང་དོ་ཡོདཔ་མས། ཧེ་མ་སློབ་གྲྭའི་སློབ་དེབ་ཅིག་ནང་ལུ་ཡང་ ཁྲུས་བབས་ཀྱི་སྐོར་ལས་བྲིས་ཏེ་ཡོད་པའི་ཡིག་རྒྱུགས་ཀྱི་ནང་ལུ་ ས་སྨུག་གི་སྦུག་ལས་ལྷ་དང་ལྷ་མོ་ཚུ་གིས་བུམ་ཆུ་བླུགས་སྡོད་སྡོདཔ་གི་པར་བྲིས་བྲིསཝ་མཐོང་ཅི། ད་རེས་ནངས་པར་ངོ་དེབ་ནང་ལུ་ཡང་ ལ་ལུ་གིས་ ཁྲུས་བབས་ཀྱི་ཁ་བཟང་འབད་ནི་གི་དོན་ལུ་བཟོ་བཀོད་འབད་དེ་ཡོད་པའི་པར་རིས་ཚུ་ དེ་སྦེ་བཟོ་ནུག། དེ་སྦེ་གོ་བ་ལེན་པ་ཅིན་ གོ་བ་འདི་ཕྱི་འགྱུར་ཨིན།
ཁྲུས་བབས་བརྩི་སྲོལ་འདི་ནང་པའི་རྩིས་གཞུང་ལས་བྱུང་བྱུངམ་ཨིནམ་ལས་ ཁྲུས་བབས་ཀྱི་གོ་དོན་འདི་ཡང་ རྩིས་གཞུང་ལྟར་དུ་ཆ་བཞག་དགོ། ནང་པའི་རྩིས་གཞུང་ལས་ག་དེ་སྦེ་གསུངས་ཏེ་ཡོད་གོ་ཟེར་བ་ཅིན་ གནམ་ཁ་ལུ་ སྐར་མ་དྲང་སྲོང་རི་ཥི་ཟེར་མི་ཅིག་ཡོདཔ་ཨིན་མས། སྐར་མ་རི་ཥི་འདི་རྒྱུ་རྡོ་རྗེ་ཕ་ལམ་ལས་གྲུབ་གྲུབ་ཨིན་ཟེར་སླབ་ཨིནམ་ད་ ཟླཝ་དྲུག་གནམ་ནུབ་མོ་དང་ ཟླཝ་དྲུག་གནམ་ཉིན་མར་ཤརཝ་ཨིན་ཟེར་སླབ་ཨིན་མས། དེ་བཟུམ་སྦེ་མཐའ་ཡས་རྒྱ་མཚོ་ནང་ལུ་ ལྷ་དང་ཀླུ་དང་གནོད་སྦྱིན་ཚུ་གིས་རྒྱུ་རིན་ཆེན་སྣ་བདུན་ལས་བཞེངས་བཞག་བཞག་པའི་སངས་རྒྱས་རྣམ་པར་སྣང་མཛད་ཀྱི་སྐུ་འདྲ་ཅིག་ཡོད་ཟེར་ཨིནམ་ད། སངས་རྒྱས་ཀྱི་དབུའི་གཙུག་གཏོར་ཡང་ རྒྱུ་རྡོ་རྗེ་ཕ་ལམ་ལས་གྲུབ་སྟེ་ཡོད་ཟེར་ཨིན་མས། སྐར་མ་རི་ཥི་དེ་གིས་རི་ཡི་རྒྱལ་པོ་རི་རབ་བསྐོར་ཏེ་འོངམ་ད་ ཟླཝ་བརྒྱད་པའི་དབུགས་ནམ་ཐོབ་ཅིག་ འ་ནི་གི་དུས་ཚོད་ཀྲིག་ཀྲིག་གུ་ རྒྱ་མཚོ་ནང་ཡོད་པའི་སངས་རྒྱས་ཀྱི་དབུའི་གཙུག་གཏོར་གྱི་ཐད་ཕྲང་སྟེ་ལྷོདཔ་ཨིནམ་སྦེ་བཤདཔ་ཨིན་མས།
དེ་བསྒང་ སྐར་མ་འདི་ཡང་རྒྱུ་རྡོ་རྗེ་ཕ་ལམ་ལས་གྲུབ་གྲུབ་དང་། སངས་རྒྱས་ཀྱི་དབུའི་གཙུག་གཏོར་ཡང་རྒྱུ་རྡོ་རྗེ་ཕ་ལམ་ལས་གྲུབ་གྲུབ་འབད་ནི་འདི་གིས་ སྐར་མ་རྀ་ཥི་དང་སངས་རྒྱས་ཀྱི་དབུའི་གཙུག་གཏོར་གཉིས་ཆ་ར་ལས་འོད་ཟེར་འཕྲོས་ཏེ་ འཛམ་གླིང་ནང་གི་ཆུ་ཆེན་དང་ཆུ་ཕྲན་ཡོད་རིགས་ཡོད་ཚད་ ཡན་ལག་བརྒྱད་ལྡན་གྱི་ཆུ་ལུ་འགྱུརཝ་ཨིན་མས། དེ་སྦེ་འབད་ནི་འདི་གིས་ འདི་བསྒང་ ཆུ་འཁྱུབ་ཅིན་ནད་རིགས་བཞི་བརྒྱ་རྩ་བཞི་ལས་བྱུང་བའི་ན་ཚ་ག་ར་དྲག་ཚུགསཔ་སྦེ་བཤདཔ་ཨིན་མས། དེ་ཡང་སྡེ་སྲིད་སངས་རྒྱས་རྒྱ་མཚོ་གིས་ རི་བྱི་ཤར་བས་དུག་མེད་པ། །ཉིན་མཚན་གཉིས་ཀ་སྦྱངས་ཆུ་བཏུང་། །དྭངས་བ་དྲི་མེད་ཆུ་ཞེས་པ། །དྲི་མེད་དྲི་མ་སེལ་གྱུར་པ། །མི་འགྲུབ་རྩུབ་པ་མ་ཡིན་པ། ༎བཏུང་བ་ལ་སོགས་བདུད་རྩིར་མཚུངས། །ཟེར་གསུངས་བཞག་ནུག། ཆུ་བོ་ཡན་ལག་བརྒྱད་ལྡན་ཟེར་མི་འདི་ག་ཅི་ཨིན་ན་མནོ་བ་ཅིན། “བསིལ་དང་ཞིམ་དང་ཡང་བ་དང་། འཇམ་དང་དྭངས་དང་དྲི་ང་མེད། འཐུང་ན་མགྲིན་པ་ལྟོ་བ་ལ། །མི་གནོད་ཡན་ལག་བརྒྱད་ལྡན་ཆུ། །”ཟེར་གསུངས་དོ་ཡོད་དོ་བཟུམ་ཨིན་མས། མདོར་བསྡུ་བ་ཅིན་ སྐར་མ་རི་ཥི་དེ་ཤར་ཞིནམ་ལས་ ཆུ་ནང་ཡོད་པའི་དུག་ག་ར་ཡལ་ཏེ་གིས་སྦེ་ ཆུ་ལུ་བརྟེན་པའི་ནད་གཞི་མི་ཐོབ་མ་ཚད། ཆུ་དེ་གིས་ནད་གཞི་གཞན་དང་གཞན་ཡང་དྲག་ཚུགསཔ་སྦེ་བཤདཔ་ཨིན་མས། དེ་འབད་ཞིནམ་ལས་འཇིག་རྟེན་པའི་ཁ་རྒྱུན་ལུ་ཡང་ སྐར་མ་རི་བྱི་ཤར་སོང་། །སྨན་པའི་དགོས་པ་མི་འདུག །ཟེར་བའི་སླབ་སྲོལ་བྱུང་ནུག།
No comments:
Post a Comment